ANTZERKIAREN BIDEZ HIZKUNTZAK IKASI

Askotan esan izan da eleanitza izatea egungo gizartean oso garrantzitsua dela, Ingelesaren beharrizana azpimarratuz. Horretarako, gure eskolak jada lanean dabiltza arlo hau jorratzeko asmotan, baina askotan egia esan, hizkuntza irakastean, ez dugu kontutan hartzen Communicative Competence delakoa, hau da, ditugun hizkuntz baliabideekin edozein gaitan moldatzen jakitea. Honetarako, frogatua dago, antzerkia edota drama sessions direlakoak asko laguntzen dutela, eta egia esan, nire esperentzi propioak ere hortara narama. Antzerkiaren bidez, arlo asko lantzen dira, euretako bat gorputzaren bidezko komunikazioa delarik, zein gestu erabili eta nola.

Beraz, eskolak animatu nahiko nituzke, antzerkiak gehiago bultzatzeko eta hortan lan eginez, hizkuntzak lantzeko, hau edozein izanik ere.

Eskolen Hizkuntz Ereduak

Gaurko notizia da hezkuntzan euskara hizkuntz nagusia dela finkatzen duten dekretuak indargabetu dituela EAEko Auzitegi Nagusiak, horrela berriz ere lehengo eredu zaharretara bueltatzen gara, non A, B eta D ereduen artean aukeratu ahal izango den. Hortaz, Euskera indarberritzeko ahalegin guztiak, alde batera gelditu dira, berriz ere haur elebitasunak izateko aukera galdu delarik. Horrela, euskalduntze prozesuak golpe handia jasan du, gizarte pobreago bat sortuz bere kulturari dagokionez. Eta zuek zer uste duzue??

ETORKINA ETA HEZKUNTZA

Gaurko gure gizarte honetan kontutan izan beharra daukagu geroz eta etorkin gehiago jasoten ari garela, hegoamerikarrak, sudafrikarrak, errusiarrak.... Horrela, beraien seme alabei hezkuntza eskubidea ez urratzeaz arduratu beharko ginateke. Hauek dira, jaso ditudan datuak etorkinei dagokienez:

Euskal Autonomi Erkidegoan:

SOS arrazakeriaren arabera: 2004ko ekainean, 31.500 etorkin zeuden lan egiteko eta bizitzeko baimenaz. Erroldatuta berriz, 49.000 zeuden. 10.041 ikasle etorkin egon ziren 2.003-2.004. ikasturtean. Eskolatutakoen %69 Hego Amerikakoak ziren, %15 Afrikakoak, %10 Europako herrialdeetakoak eta %6 Asia eta Ozeaniakoak.> Ikasle hauen gehienak (%50) A ereduan jardun zuen, B ereduan ( %29), eta D ereduan (%21).

Espainian:


2003-2004 ikasturtean, eskolatuta zeuden etorkinen seme-alabak %10,2 ziren; Balear Uharteetan %10,1; Katalunian, Balentzian eta Murtzian % 7tik gora. Espainiako estatuan 500.000 haur ziren, eskolatutakoen %5'9.

Datu hauek irakurriz gero, gure erkidegoan atzerritar haur portzentaia handiagoa izan da eskoletan matrikulatuak, Espainian kopuru hau nabarmen jeisten delarik. Hala nola, haur hauek hezkuntza jasoteko eskubide osoa dutelarik, estatuak berak eta estatutik at dauden talde eragileek nolabaiteko parte hartzea izan beharko lukete, etorkin hauei infomazioa emanez bere haurrak eskolarizatu gabe geldi ez daitezen bederen.

KALITATEZKO HEZKUNTZA

Kalitatezko hezkuntza denentzat esan ohi da, baina hau zilegi bihur dadin Euskadiko eskola Kontseiluak Hezkuntza sailak argitaratu zuen agiria, hau aberastekotan eta honen gaineko eztabaida soziala sortuz. Hone aurrrean, hainbat jokabide ezberdin barneratu zituen Euskal Kurrikulumak baina honen gauzatzea gaur egun ez dago hain argi, bertoko hainbat premisa atzera bota baitira.

Herri bat garatu dadin, kalitatezko hezkuntza bat edukitzea ezinbestekoa da:
azpiegitura egokiak, eskola material aproposa, irakasle formatu eta motibatuak, politika
eraginkorrak, ikasleen gutxieneko beharrak aseak izatea… Eta horretarako laguntza ematen ez
dugun heinean, herri horien, pertsonen etorkizunari oztopoak jartzen ari gatzaizkio.

Guztion lana da mundu erosoago eta egokiagoa sortzea, justizian eta gizaeskubideetan
oinarritua. Guztion eginkizuna da Zinbaweko edo Kenyako, Boliviako edo
Brasilgo, azken batean, herrialde guztietako neska-mutilen orainaren eta etorkizunaren alde lan
egitea, kalitatezko hezkuntzaren alde lan egitea. Ekin diezaiogun, beraz, hain beharrezkoa eta
garrantzitsua den zeregin honi.

Komunikazioa eta hezkuntza gaur egungo gizartean

Gaur egun, teknologia berrien laguntzaz ikaste-irakaste prozesua abiada handian aldatuz doa. Internet eta ordenagailuek ematen dizkiguten aukerak oso handiak izanik, orain irakasleak ikasle autonomo eta kreatiboak sortzeko bideak ahalbideratutra daude. Baina teknologi hauei kritika konstruktiboak egiteko ordua ere iritsi da, hona hemen Jose Maria Percevalek eman ahal dizkigun argibide batzuk.

HIK HASI TOPAKETAK

Hasi dira jada, Hik hasik antolatutako ikastaroetan parte hartzeko matrikulazioak. Irakasle garenontzat, hainbat baliabide eskaintzen dizkigun topaguneak dira, non area ezberdinetan trebatzeko aukerak ugariak diren.

Anima zaitezte hauetan parte hartzera.

BADATOR IBILALDIA

Aurten ere betiko legez, bizkaiko ikastola elkarteak IBILALDIA ospatuko du MAIATZAREN an GALDAKAON, Eguzkibegi ikastolaren alde. Euskaduntzale guztion bilgune den jai honetan, beti legez, hainbat ekintza izango ditugu antolatuta, kontzertuak, haurrentzat jolas eta pailasoak, eta nola ez, bokatak eta txakolina guztiontzat.

Euskara zabaltzeko balio duen jai honetara joatera gonbidatzen zaituztet, gure ama hizkuntza den euskerak aurrera egin dezan, eta denon artean hizkuntza indartsua bilakatu daiten.

Athletic eta hezkuntza

Hona hemen nire ikastolako haurrak, athletic-i bere pasioa erakutsiz, galduta ere hor dagoen afizioa. Baina neri galdera bat datorkit burura. Nolataz, hezkuntza mailan horrelako indarra hartu behar du futbol partidu batek? Hau ulerkaitza dirudi. Antza, gure gizartean zabaldu beharreko balioak talde bati izan beharreko atxikipenean oinarritu dira, beste kirol batzuk alde batera utziz, eta denak bat eginez animatuz.

Denak bat egiteak, ondo begitatzen jatan arren, mesedez, hezkuntza mailan ez luke horrelako indarra izan behar, baina errealitatea bestelakoa da, bestela begiratu bilbon La Casillan eman zen festa.

AGENDA 21

Eta askok galdetuko dozue, batez ere irakaskuntza mundutik at edota sartu barriak bazarete, zer da Agenda21 delako proiektu hori? Gure inguruko eskola asko daude sartuak proiektu honetan non ingurugiroarekiko hainbat konpromesu hartzen diren, gero geletan haurrekin lantzeko. Ikas komunitate osoa kontutan hartuz, ikastetxeko eta ikastetxearen inguruko garapen jasangarria bultzatzea du helburu nagusia, horrela gure haurrak garapen jasangarriko hezkuntza batetara bideratuko doguz. Baina nola?

Azken finean, elkartasuna bilatzen duen hezkuntza da, munduko egoeraz jabetzen lagundu, zentzuzko jokabideak eta portaerak sortarazi eta arrazoitutako erabakiak hartzera bultzatuko gaituela; hau da, BIODIBERTSITATEA zein ANIZTASUN KULTURALA errespetatu eta bultzatzeaz gain, hauetaz gozatzea ahalbidetuko duena.

Honelako proiektu gehiago beharko genituzke, gure inguru hau mantendu nahi baldin badogu bederen.

Bolonako prosezua

Laster sartuko da gure unibertsitatean Bolognako prozesua deritson lege barria. Gaur egun, ikasketak ezagutzen diren bezala, atzean gelditu dira, EESSan barneratuko gara, irakaste ikaste prozesuak aldaketa sakonak izango dituelarik. Orain kreditu sistema bera ere aldatuko da, ECTSan oinarrituko garelarik, irakasgaien kreditu kopuruak igoz eta aldatuz.
Askotan esan izan da, EESS barnean egoteak onura ugari ekarriko dituela gure unibertsitateetara, era beran ikaslea ikaste prozesu honen zentru bilakatuz. Baina hau norarte izango da egia? Ikus ditzagun Boloniako prozesuak jomuga duen Goi-mailako Hezkuntzaren Europako Esparruak sei helburu nagusiak:

1. Titulazio- eta kalifikazio-sistema bateratuak lortzea. Horretarako, Tituluaren Gehigarri Europarra izeneko agiria sortu dute (Diploma Supplemen delakoa).
2. Kreditu-sistema bateratua sortzea: ECTS (European Credit Transfer System) izeneko kredituak. Ikasturte bakoitzak 60 ECTS kreditu suposatuko ditu (1.500-1.800 ikastordu, etxeko lanak barne).
3. Unibertsitate-ikasketak hiru ziklotan banatzea: Gradua (180-240 ECTS kreditu), Masterra (90-120 ECTS kreditu) eta Doktoretza (ECTS kredituen kopuru jakinik gabe).
4. Europar unibertsitateen arteko lankidetza sustatzea.
5. Ikasle eta irakasleen mugikortasuna sustatzea.
6. Ikasleen garapen kurrikularra sustatzea

Bolognako prozesuari buruzko informazioa biltzean askotan azaltzen den taula hau ikusiko dugu:

Hemendik aurrerakoa hurrengo urtean argituko da, ia benetan esaten duten bezalako onurak ekartzen dizkigun.

TERMINOLOGIA BERRIA

EESS= Espacio Europeo de Enseñanza Superior
ECTS: Europar kreditu sistema da. Neurri honekin Europako kreditu sistema bateratu bat egin nahi dute non kreditu kopurua ikasleak klasean, liburutegian... aritzen den denborarekin erlazio zuzena dauka.

Udako euskal Unibertsitatea

Aurten ere Euskal Herriko Unibertsitateak zabaldu ditu bere ateak ikastaro berriekin blai. Gure lanbide honetan oso interesgarriak diren hainbat gai jorratuko dira, teknologia berriak edota bullying-a, adibidez. Beraz, birziklazeko era egokia izanik eta batez ere gai berriak jorratzeko aukera izanik, bertara hurbil zaiztezten espero dut, bertan ikusiko garelarik, ia oraingoan behintzat gauza berriak ikasten ditugun, gero geure lanera eramateko.

Korrika Badator

Korrika 16 iritsi da, laster gurean euskaraz bizi nahi dutenen ahotsak eta oinak batuko dira, denok batera euskarak bizi iraun dezan.

Entzun ta zabal ezazu

IKTB.tv

Oraingoan ere, ikastolak aurretik jarri dira teknologia berrien erabilerei dagokionez hezkuntza mailan, iktb.tv izeneko ikastolen telebista berria sortu dute interneten. Proiektu hau, gazteei, hezitzaileei eta gurasoei zuzenduta dago bereziki, non euskal gizartearin loturiko hainbat bideo daude ikusgai, korrika 2009 edota Nafarroa oinezko bideoak ikusgai ditugularik.

Sartu ikus esazu, hau da gure etorkizuna eta.

Pixka bat es mucho??????

Otsailaren 8an, jakintza ikastolako irakaslea den Maite Goñik, egundoko lana egin eta gero, 2008ko EGA azterketak sarean guztion esku jarri zituen. Honen berri ematean, albisteak oihartzun handia izan zuen eta milaka lagun ibili ziren egunotan bere lana erabiltzen, gainean dagoen 2009ko EGA azterketa prestatzeko.

Ostiralean, zoritxarrez, beste motako albiste bat eman behar izan zuen: EGArako materialak kenarazi dizkiote saretik. Pixka bat es mucho” bene-benetan? izenpean, mezu hunkigarria bezain mingarria idatzi behar izan du. Administrazioko arduradunak adierazi dioenez, Maitek egindako lana eta materialen baliagarritasuna aitortu eta goraipatzen dute, baina liburu argitaratu berriak “bere ibilbidea egin arte” ezin izango du denon eskura ipini. Tristea da gero!

Eta are tristeago, euskaldundu nahi den gizarte honetan, pertsona gutxi batzuek eginiko lanari errekonozimendua eman beharrean, zigorra jasotzen dutenean. Hortaz, nire galdera da, eusko jaurlaritzak bere menean dituen liburuak saltzea hortikan lukratuz garrantzitsuagoa ete da euskara lau haizetara zabaltzea baño? Eta gero zertara dator ba, piska bat es mucho bezelako lemak gizartaratzea, guk geuk geure errotik euskararen aldeko mugimenduen kontrako jarrera azaltzen badugu?

Maite bezalako pertsonek euskara zabaltzen laguntzen digute, berak EGAko azterketa zorigaitz hau prestatzeko hainbat material digitalizatu eta debalde eskainiz. Aupa hi!! Esan beharrean nago, eta segi lanean, zu bezalako jendea beharrezkoa baitugu, euskalerri euskaldun bat eraikitzeko eta.

TEKNOLOGIA BERRIAK HEZKUNTZAN

Hezkuntza mailan geroz eta garrantzi handiagoa hartzen dabil teknologia berrien erabilpena, baina irakasleok prest al gaude egoera berri honi aurre egiteko? nonbait zerbatetan hasiak gara jada, hezkuntza sailak bere ikerketetan murgildua dabil eta ikastola elkarteak ere lan honetan jada martxan dabiltza. Baina berriz ere, aurre hartuz IKT proiektuan murgildu dira, non irakasle tea ikasleak teknologa berri hauek eskaintzen dizkiguten aukeretan ikertzen hasiak diren, baita praktikan jarriz.

Proiektu honetan oso argi azaltzen da, informazio alorrean berebiziko aldaketak egiten ari direla. Aldaketa hauei ahal den etekinik handiena ateratzeko gauza izan daitezela gure ondotik datozen belaunaldiak, hori segurta diezaiegun, nahi du gizarteak. Ezin ukatuzko egia da aldaketa hauek hezkuntzan duten eragina, eta, horregatik, premiazkoa, atzera begira egon gabe azkar, konbikzioz beterik eta adore handiz aro digitalaren berri, guri dagokigunez, ikasle-irakasle bakoitzari eta hezkuntza komunitatea osatzen duten guztiei, egoki eta koherenteki, ahal dela inolako traumarik sortu gabe, ematea.

Baina, zer da urrengo eman beharreko pausua? Eskolaren zentsua guztiz aldatu beharrean gaude, eskolak hobetuz eta gure haurrak teknologiako gizarterako prestatuz, aldi berean gu geu ere oso konsziente izan beharko gara eta honetarako nolabaiteko kurtso etbr. jasotzeko premia asko dagoelakoan nago.